Krioyonan den MLB: Apostel ta sinti lomba den hungada defensivo

Deporte
Lokal

Krioyonan den MLB

Sherten Apostel (Texas Rangers) a kuminsá wega pero mester a bandoná esaki despues ku den kabes di 2 ining el a bula riba un bala na tersera base i a sinti su lomba. Komo prekoushon a sake for di wega. E no a risibí turno ofisial na bate

Kenley Jansen (Los Angeles Dodgers) a drenta wega den un situashon di no salba wega den di 9 ining tirando 1 ining enfrentá 3 bateadó i poncha dos di nan pa kaba wega. Un viktoria importante tòg paso esaki ta sigur Dodgers bentaha di hunga mas wega na kas si ta nesesario durante henter ‘post season’

Ozhaino Albies (Atlanta Braves) a bai 3-0 ku 1 base por bola risibí

Xander Bogaerts (Boston Red Sox) a bai di 3-1 ayera

Chadwick Tromp (San Francisco Giants) no a mira akshon ayera

Jurickson Profar (San Diego Padres) no tabatin wega ayera

Didi Gregorius (Philadelphia Phillies) no tabatin wega ayera

Andrelton Simmons (Los Angeles Angels) Temporada a finalisá. A opta pa sali for di su kontrakt ku e ekipo di Los Angeles Angels i asina pone un fin na temporada Simmons lo bira agente liber pa promé biaha di su karera na final di temporada. Sifranan final:
G: 30 AB: 118 H: 35 AVG: .297 R: 19 RBI: 10 2b: 7 3b: 0 Hr: 0
SB: 2 BB: 8 K: 16 OBP: .346 SLG: .356 OPS: .702

Jonathan Schoop (Detroit Tigers) Temporada a finalisá. A keda pone riba lista di hungadónan leshoná di 45 dia lokual ta nifiká ku su temporada a finalisá. E ‘deadball’ a dal e na su pòls pa kual awor a resultá ku e leshon lo no permití Schoop mira akshon mas pa restu di 2020
G: 44 AB: 162 H: 45 AVG: .278 R: 26 RBI: 23 2b: 4 3b: 2 Hr: 8
SB: 0 BB: 8 K: 39 OBP: .324 SLG: .475 OPS: .799