Xander Bogaerts (Boston Red Sox) a bai di 3-2 ayera ku un kareda empuha i otro anotá. El a konektá su di 30 doblete di temporada kual mesora tabata su di 300 doblete di su karera

Jonathan Schoop (Detroit Tigers) a bai di 4-1 ayera ku un kareda empuha. El a konektá su di 18 doblete di temporada

Jurickson Profar (San Diego Padres) no tabatin wega ayera

Kenley Jansen (Atlanta Braves) no tabatin wega ayera

Chadwick Tromp (Atlanta Braves) no tabatin wega ayera

Andrelton Simmons (Chicago Cubs) a keda pone Andrelton Simmons na disposishon di otro ekiponan. Esei ta nifiká ku otro ekiponan di Liga Grandi tin 10 dia pa tuma su kontrakt over di Cubs. Si esaki no pasa Simmons lo por bai Liga Menor òf opta pa bira agente liber. Simmons a indiká kaba ku e lo no hunga mas e temporada aki i konsentrá pa rekuperá di tur su leshonnan

Ozhaino Albies (Atlanta Braves) Ozzie Albies a sufri un fraktura na su pia robes i lo keda pa for di akshon pa un periodo largu. Speransa ta ku e lo por ta bek pa fin di ougùstùs òf prinsipio di sèptèmber. E siman aki e lo kuminsá fangu bala tiki tiki pero ainda no por hasi nan pa ku bateo

Didi Gregorius (Philadelphia Phillies) a keda laga den libertat ayera. Pendiente awor si un otro ekipo ta yama pa ofresé un oportunidat nobo

Play of the Day