BOSTON.- Ceddanne Rafaela ayera a habri pa promé biaha un wega pa Boston Red Sox. Esaki ora e tabata promé bate i shortstop pa su ekipo. Ceddanne a bai di 4-1 ku un doblete i un kareda empuhá. E tin un promedio awor di 400 den su promé weganan den Liga Grandi.

Kenley Jansen (Boston Red Sox)

Kenley Jansen tabata bek riba montíkulo pa Red Sox ayera. Despues di un siman afó pa motibu di doló na su ‘hamstring”. Kenley tabata skèrpi ora el a tira un inning di blankeo den kua e no a permití hit i poncha un bateadó. El a baha su efektividat awor na 2.74.

...Kenley tabata bèk riba montíkulo ayera...

Ozhaino Albies (Atlanta Braves) 

Ozhaino Albies su bate a zona ayera pa Braves. Ozhaino a bai di 5-3. El a subi su promedio awor na 268.

Xander Bogaerts (San Diego Padres) 

Bon dia na bate ayera pa Xander Bogaerts. E shortstop rubiano a bai di 4-2 pa subi su promedio awor na 259.