Krioyonan den MLB

Didi Gregorius (Philadelphia Phillies) a bai di 4-1 ayera ku un grandslam, su di tres honron di temporada. E tabatin 4 kareda empuha

Xander Bogaerts (Boston Red Sox) a bai di 5-1 ku 1 kareda empuha i otro anotá riba su di 4 doblete di temporada

Chadwick Tromp (San Francisco Giants) a bai di 3-0 ayera. Tabatin un bunita asistensia pa saka koredor out na plato

Jurickson Profar (San Diego Padres) a bai di 2-0 ku 1 base por bola risibí. El a sali out pa promé biaha e temporada aki den un intento di robo

Jonathan Schoop (Detroit Tigers) a bai di 4-0 ayera

Kenley Jansen (Los Angeles Dodgers) no a mira akshon ayera

Ozhaino Albies (Atlanta Braves) a keda pone riba lista di hungadónan leshoná di 10 dia ayera i no tin un indikashon kuantu dia e mester pa sosegá e pòls ku a bin ta molesti’é hopi.

Andrelton Simmons (Los Angeles Angels) dia 29 di yüli a keda pone riba lista di hungadónan leshoná di 10 dia despues di trapa malu na primera base den un hungada. Awor si Simmons ta kasi kla pa regresá akshon. Ya e ta tumando praktiká di bateo i ta koriendo riba e ènkel

 Na Hapon

Coco Balentien (FukuokaSoftbank Hawks) no tabatin wega ayera

 Play of the Day