Krioyonan den MLB

Didi Gregorius (Philadelphia Phillies) djasabra a bai di 4-2 ku 4 kareda empuha i 2 anotá. El a konektá su di 7 honron di temporada kual tabata su di 2 grandslam pa 2020. El a risibí 1 base por bola tambe. Ayera bati komo emergente den di 7 ining i a risibí 1 base por bola den promé wega. Den di dos wega a bai di 3-1

Ozhaino Albies (Atlanta Braves) djasabra a bai di 4-1 ku 1 kareda empuha. El a roba su di 3 base di temporada. Ayera a bai di 3-1 ku 2 kareda empuha i 2 kareda anotá. El a konektá su di 3 honron di temporada. Ozzie a risibí 1 base por bola tambe

Jurickson Profar (San Diego Padres) djasabra no tabatin wega i ayera a bai di 3-2 ku 1 kareda empuha. E tabatin bunita hungada defensivo tambe den leftfield

Sherten Apostel (Texas Rangers) a debutá den liga grandi den di dos wega djasabra i a bai di 3-1 ku su prome hit. Apostel asina a bira e di 16 hungadó di Kòrsou den Liga Grandi. E tabatin un bunita hungada defensivo tambe. Ayera no a mira akshon

Kenley Jansen (Los Angeles Dodgers) djasabra no a logra salba e wega pa su ekipo drentando wega ku un bentaha di 3 kareda. El a resultá e picher pèrdèdó i awor tin marka di 3-1. Jansen a enfrentá 6 bateadó i permití 5 kareda riba 5 hit. Tabata su di 2 ‘ blown save’ di temporada. Ayera a bòns bek tirando 1 ining enfrentando 3 bateadó i poncha 1 di nan. No tabata un chèns pa salba wega

Andrelton Simmons (Los Angeles Angels) djasabra a bai di 4-1 ku 1 kareda anotá i 1 base por bola risibí. Ayera a bai di 3-1 ku otro kareda anotá i 1 base por bola risibí

Jonathan Schoop (Detroit Tigers) djasabra a bai di 3-0 i ayera no a mira akshon

Xander Bogaerts (Boston Red Sox) djasabra a bai di 3-1 ku 1 kareda anotá i 1 base por bola risibí. El a roba dos base tambe su di 4 i 5 di temporada. Ayera no a mira akshon

Chadwick Tromp (San Francisco Giants) djasabra no tabatin wega i ayera a bai di 1-0

 Na Hapon

Coco Balentien (FukuokaSoftbank Hawks) no a mira akshon den fin di siman

 Play of the Day