Krioyonan den MLB

Didi Gregorius (Philadelphia Phillies) a bai di 3-2 ku 3 kareda anotá i 1 empuha riba su di 6 honron di temporada. El a risibí 1 base por bola i roba si di 3 base di 2020. Den di dos wega a bai di 3-1 ku 1 kareda empuha i 1 base por bola

Kenley Jansen (Los Angeles Dodgers) a gana su di 3 wega di temporada (3-0) tirando 1 ining i un tèrsio enfrentá 6 bateadó i permití 3 kareda riba 3 hit di kual 1 honron. El a poncha 1 bateadó

Jurickson Profar (San Diego Padres) a bai di 4-2 ku 1 kareda empuha i otro anotá. El a konektá su di 3 doblete di temporada

Jonathan Schoop (Detroit Tigers) a bai di 1-0 ayera i a keda remplasá den di 4 ining pa un koredó emergente. El a bandoná wega despues di a risibí un deadball nèt riba su pols. Tur kos ta mustra ku no ta nada serio

Xander Bogaerts (Boston Red Sox) a bai di 4-1 ayera. Den di dos wega ayera a bai di 3-1 ku 1 kareda anota i 1 base por bola risibi

Andrelton Simmons (Los Angeles Angels) a bai di 4-0 ayera

Chadwick Tromp (San Francisco Giants) no a mira akshon ayera

Ozhaino Albies (Atlanta Braves) Braves a tuma basta práktika di bateo den un señal ku awor su su regreso den aliniashon ta eminente. El a keda pone riba lista di hungadónan leshoná di 10 dia riba 6 di ougùstùs.

 Na Hapon

Coco Balentien (FukuokaSoftbank Hawks) no a mira akshon ayera

 Play of the Day