Jurickson Profar (San Diego Padres) ta kuminsá awe en buska di nan pas’e pa Serie Mundial 2022. E úniko opstákulo den nan kaminda ta Philadelphia Phillies. E promé wega di e seri aki di Mihó di 7 ta kuminsá awe na San Diego pa 8:03 pm. Profar den post-temporada ta un piesa fiho den alienashon di Padres

Hensley Meulens (New York Yankees) a posponé e wega desisivo ayera pa motibu di áwaseru. Awe Yankees i Guardians lo disidí ken ta pasa pa final di Liga Amerikana

Kenley Jansen (Atlanta Braves) temporada a finalisá

Ozhaino Albies (Atlanta Braves) temporada a finalisá

Xander Bogaerts (Boston Red Sox) temporada a finalisá

Jonathan Schoop (Detroit Tigers) temporada a finalisá

Chadwick Tromp (Atlanta Braves) temporada a finalisá

Didi Gregorius (Philadelphia Phillies) temporada a finalisá

Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:

G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173