Krioyonan den MLB: Jansen, Albies i Profar lo representá Kòrsou den ‘Post Season 2020’

Deporte
Lokal

Krioyonan den MLB

Kenley Jansen (Los Angeles Dodgers) djasabra no a mira akshon. Ayera a tira 1 ining enfrentá e mínimo di bateadó i retirá tur 3 ku el a enfrentá. El a poncha un bateadó. No tabata un situashon di salba wega. Dodgers a terminá temporada regular ku mas viktoria ku tur otro ekipo den Liga Grandi. Dodgers lo topa Brewers den promé wega di Wild Card djárason pa 10:00 pm

Ozhaino Albies (Atlanta Braves) djasabra a bai di 4-0 i ayera a bai di 5-1. Braves lo topa Reds den promé wega di Wild Card djárason 12 pm

Jurickson Profar (San Diego Padres) djasabra a bai di 4-1 i ayera a bai di 4-2 ku 1 kareda anotá. El a roba su di 7 base di temporada. Padres lo topa Cardinals den promé wega di Wild Card djárason pa 5:00 pm

Didi Gregorius (Philadelphia Phillies) djasabra a bai di 4-0. Ayera a bai di 4-1. Phillies no a logra pasa pa ‘post temporada’ i ku esaki e temporada di Didi tambe a finalisá. Sifranan final:
G: 60 AB: 215 H: 61 AVG: .284 R: 34 RBI: 40 2b: 10 3b: 2 Hr: 10
SB: 3 BB: 18 K: 289 OBP: .339 SLG: .488 OPS: .827

Xander Bogaerts (Boston Red Sox) djasabra a bai di 4-2 ku 1 kareda anotá i otro empuha. El a risibí 1 base por bola i roba su di 8 base di temporada. Ayera a bai di 3-1 ku 1 kareda anotá i otro empuha riba su di 11 honron di temporada. Boston a keda for di ‘post seeason’ i temporada a finalisá pa Bogearts. Sifranan final:
G: 56 AB: 203 H: 61 AVG: .300 R: 36 RBI: 28 2b: 8 3b: 0 Hr: 11
SB: 8 BB: 21 K: 41 OBP: .364 SLG: .502 OPS: .867

Sherten Apostel (Texas Rangers) no a mira akshon mas debí ku djaweps mester a bandoná wega despues ku den kabes di 2 ining el a bula riba un bala na tersera base i a sinti su lomba. Rangers a keda elimina for di ‘Post Season’ i ku esaki temporada 2020 a finalisá pa Apostel

Sifranan final:
G: 7 AB: 20 H: 2 AVG: .100 R: 1 RBI: 0 2b: 1 3b: 0 Hr: 0
SB: 0 BB: 1 K: 9 OBP: .143 SLG: .150 OPS: .293

Chadwick Tromp (San Francisco Giants) djasabra ni ayera no a mira akshon ayera. Giants ta for di ‘post season’ pues temporada a finalisá pa Tromp. Sifranan final:
G: 24 AB: 61 H: 13 AVG: .213 R: 11 RBI: 10 2b: 1 3b: 0 Hr: 4
SB: 0 BB: 1 K: 20 OBP: .219 SLG: .426 OPS: .645

Andrelton Simmons (Los Angeles Angels) Temporada a finalisá. A opta pa sali for di su kontrakt ku e ekipo di Los Angeles Angels i asina pone un fin na temporada Simmons lo bira agente liber pa promé biaha di su karera na final di temporada. Sifranan final:
G: 30 AB: 118 H: 35 AVG: .297 R: 19 RBI: 10 2b: 7 3b: 0 Hr: 0
SB: 2 BB: 8 K: 16 OBP: .346 SLG: .356 OPS: .702

Jonathan Schoop (Detroit Tigers) Temporada a finalisá. A keda pone riba lista di hungadónan leshoná di 45 dia lokual ta nifiká ku su temporada a finalisá. E ‘deadball’ a dal e na su pòls pa kual awor a resultá ku e leshon lo no permití Schoop mira akshon mas pa restu di 2020
G: 44 AB: 162 H: 45 AVG: .278 R: 26 RBI: 23 2b: 4 3b: 2 Hr: 8
SB: 0 BB: 8 K: 39 OBP: .324 SLG: .475 OPS: .799