KANSAS CITY.- Jonathan Schoop tabata bèk den aliniashon di Tigers ayera. El a probechá ora el a bai di 4-1 ku doblete i 2 kareda empuhá. Esakinan tabata e promé dos karedanan empuhá di Jonathan den e aktual temporada. Despues di un inisio malu, Jonathan tin un promedio di 333 den su último shete weganan.

Ozhaino Albies ( Atlanta Braves)

Ozhaino Albies ayera a bai di 2-0 ku un empuhá. E yu di Kòrsou  sinembargo tabata importante den e viktoria di Braves, ora ku den bòm di 9 inning el a empuhá e kareda di viktoria ku flai di sakrifisio. Ozhaino tin un promedio awor di 254 i 32 kareda empuhá.

Jurickson Profar (Colorado Rockies)

Jurickson ayera a ekstendé su racha di weganan sigui ta yega base na 32 wega. El a bai di 4-1 ku un empuhá. Su promedio ta keda 250 miéntras e tin awor 20 kareda empuhá.

Xander Bogaerts (San Diego Padres) 

Xander Bogaerts ayera a bai di 4-0 pa Padres. Su promedio ta awor 254.

Kenley Jansen (Boston Red Sox)

Kenley no a mira akshon ayera pa Red Sox.