HOUSTON.- Jurickson Profar tremendo den su regreso ku San Diego Padres. E yu di Kòrsou a bai di 4-3 den tur dos wega ku el a hunga den fin di siman pa Padres. Den e wega di djasabra e tabatin tambe 1 honron i 2 kareda empuhá. Den su promé wega bèk el a hunga na primera miéntras ku ayera el a hunga den rightfield pa Padres. Su promedio e temporada aki a bira awor 246 ku 9 honron i 41 kareda empuhá.

Ceddanne Rafaela (Boston Red Sox)

Ceddanne ku 1 hit den 6 turno den fin di siman. Miéntras ku ayera pa promé biaha den su karera el a habri wega den centerfield den Liga Grandi. Mesora el a mustra su kalidat ora ku e tabatin tremendo hugada den di 3 inning. Su promedio awor ta 381.

...Un bista riba e tremendo hugada ku Ceddanne Rafaela a hasi ayera...

Ozhaino Albies (Atlanta Braves) 

Ozhaino Albies a bai di 14-3 den fin di siman tras di lomba. E tabatin tambe 2 kareda anotá, 1 base robá i 1 kareda empuhá. Su promedio awor ta 266 ku 29 honron i 92 kareda empuhá e temporada aki.

Xander Bogaerts (San Diego Padres)

Xander su racha di weganan siguí di bati hit  a para na 8 wega. Esaki ora ku ayera el a bai di 2-0. El a bati 2 hit den 12 turno den fin di siman. Su promedio a bira 269 ku 17 honron i 49 kareda empuhá.

Kenley Jansen (Boston Red Sox)

Kenley no a mira akshon den e fin di siman tras di lomba.