Kenley Jansen (Atlanta Braves) a salba su di 36 wega salba i asina sigurá tambe ku su ekipo lo ta den playoff 2022. Kenley a tira un ining permití dos hit i un kareda. Duna un base por bola i poncha dos bateadó. El a enfrentá shete bateadó den e ining ku el a picha

Jurickson Profar (San Diego Padres) a bai di 3-1 ayera ku un kareda anotá i un base por bola risibí. El a konektá su di 33 doblete di temporada

Xander Bogaerts (Boston Red Sox) a bai di 2-0 ku un kareda anotá i tres base por bola risibí

Jonathan Schoop (Detroit Tigers) a drenta bati komo emergente den di 8 ining i a bai di 1-0

Ozhaino Albies (Atlanta Braves) a leshoná su dede i lo ta for di akshon por lo pronto

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Hensley Meulens (New York Yankees) a keda nombra ofisialmente awe pa bolbe tuma rienda di e selekshon ulandes komo manager. Su tarea prinsipal lo bira pa guia e selekshon di Reino den próksimo World Baseball Classic ku lo tuma lugá na komienso di otro aña. Ulanda ta den grupo ku Chinese Tapei, Cuba, Italia i un otro pais ku mester klasifiká ainda. Den e último World Baseball Classic na 2017, Henlsey Meulens tabata manager tambe i e ekipo di Reino a yega te semi final na Los Angeles i a finalisá e torneo ei na di 4 lugá

Play of the Day