Kenley Jansen (Los Angeles Dodgers) tabata simplemente dominante den su salida ayera pa salba e promé viktoria den playoff di Liga Nashonal kontra di Atlanta Braves. Kenley a poncha tur tres bateadó ku el a enfrentá sin kasi ku niun di tres por a mishi ku su balanan. Un viktoria sumamente importante biniendo di atras pa asina hasi e seri aki 1-2 enbes di 0-3. Awe lo bai pa empatá e seri ku e momentu grandi aki den nan fabor. Wega ta programa pa kuminsá 8:08 pm na Los Angeles atrobe

Ozhaino Albies (Atlanta Braves) a bai di 5-1 ku un kareda anotá. Ozzie i Braves tin ku reakshoná rápido despues di e derota doloroso ayera apesar di tin un bentaha di 2-1 den e seri final di Liga Nashonal aki. Próksimo wega ta awe pa 8:08 pm

Xander Bogaerts (Boston Red Sox) a bai di 5-2 empuhando e úniko dos karedanan di Boston ayera i a anotá un di nan riba su promé honron den e seri aki. Ku e derota aki di Red Sox na man di Houston Astros e seri di Mihó di 7 ta empatá na 2-2. Próksimo wega ta awe pa 5:08 pm

Play of the Day