Kenley Jansen (Los Angeles Dodgers) a tira último ining den un wega ku ya Dodgers tabatin bentaha amplio riba Braves. Kenley a enfrentá tres bateadó i a retirá un tras di otro. Mas bien tabata un salida pa tene su mes den ritmo di wega. Ku e viktoria di ayera Kenley i Dodgers ta forsa e seri bai bek Atlanta pa e último dos weganan desisivo. Awor e seri aki di mihó di 7 ta 2-3 na fabor di Braves. Próksimo wega ta djasabra 5:08 pm

Ozhaino Albies (Atlanta Braves) a bai di 4-1 ku un kareda anotá. Ozzie i Braves ta bai bek Atlanta tòg den un posishon faborabel apesar di e derota grandi ayera. Nan mester gana solamente un wega mas pa por yega Serie Mundial 2021 i hungando na kas esaki ta nan fabor. Próksimo wega ta djasabra 5:08 pm

Xander Bogaerts (Boston Red Sox) awe ta kuminsá ku e proseso di purba gana dos wega sigui anto den kas di Astros pa por yega Serie Mundial 2021. Wega ta programa pa 8:08 pm

Play of the Day