Kenley Jansen (Los Angeles Dodgers) a salba su di 8 wega di temporada tirando 1 ining i un tèrsio. El a enfrentá 5 bateadó i duna un base por bola. 12 di su 17 lansamentunan tabata pa strike. El a kaba e wega ku un ‘double play’ i asina empatá Dennis Eckersley (Oakland Athletics) pa e di tres picher den historia di Liga Grandi ku mas wega salba (320) ku e mesun ekipo. Ayera a toka Kenley pa bati tambe komo ku el a drenta wega den di 8 ining

Jonathan Schoop (Detroit Tigers) a bai di 4-1 ayera ku dos kareda empuha i otro anotá. El a konektá su di tres honron di temporada

Andrelton Simmons (Minnesota Twins) a bai di 4-1 ku un kareda anota

Ozhaino Albies (Atlanta Braves) a bai di 4-0 ayera

Xander Bogaerts (Boston Red Sox) no tabatin wega ayera

Didi Gregorius (Philadelphia Phillies) no tabatin wega ayera

Jurickson Profar (San Diego Padres) a keda aktivá pero no a mira akshon ayera

 Play of the Day