Krioyonan den MLB

Kenley Jansen (Los Angeles Dodgers) a salaba su di 10 wega di temporada enfrentado solamente 1 bateadó i a poncha esaki pa e último out. Tabata su di 10 wega salba den 11 oportunidat. Ku 10 wega salba Jansen ta lider den Liga Nashonal den e kategoria aki

Jonathan Schoop (Detroit Tigers) a bai di 3-2 ku 1 kareda anotá i otro empuha i a risibí 1 base por bola

Didi Gregorius (Philadelphia Phillies) a bai di 5-1 ayera ku 1 kareda anotá den forma pekuliar na momentu ku e coach di tersera ta konfundí e koredornan na base

Xander Bogaerts (Boston Red Sox) a bai di 4-1 ayera ku 1 kareda anotá. El a konektá su di 8 doblete di temporada

Andrelton Simmons (Los Angeles Angels) no tabatin wega ayera

Chadwick Tromp (San Francisco Giants) no a mira akshon ayera

Jurickson Profar (San Diego Padres) no tabatin wega ayera

Ozhaino Albies (Atlanta Braves) Nada ainda pa Ozzie. Ketu bai no ta 100% i mester di mas tempu pa rekuperá di su leshon. Awor si ta tumando práktika di bateo ku sigur ta un bon señal. El a keda pone riba lista di hungadónan leshoná di 10 dia riba 6 di ougùstùs i no tin un indikashon kuantu dia e mester pa sosegá e pòls ku a bin ta molesti’é hopi.

 Na Hapon

Coco Balentien (FukuokaSoftbank Hawks) ainda no ta mirando akshon na Hapon ku su ekipo

 Play of the Day