Kenley Jansen (Atlanta Braves) a salba su di 28 wega di temporada. El a enfrentá 4 bateadó permití un hit i poncha un otro. Awor Kenley falta dos wega salba mas pa yega e sifra di 30 wega salba den temporada ku ta un sifra mágiko pa beisbòl Liga Grandi. Ku su 28 wega nan a salba Kenley ta un tras di e lider den Liga Grandi ku ta Josh Hader ku 29

Jurickson Profar (San Diego Padres) a drenta bati komo emergente den di 9 ining a a bai di 1-0

Xander Bogaerts (Boston Red Sox) a bai di 2-1 ayera ku un base por bola risibí

Jonathan Schoop (Detroit Tigers) no tabatin wega ayera

Chadwick Tromp (Atlanta Braves) a sufri un leshon di spir i a keda pone riba lista di hungadónan leshoná pa 10 dia

Ozhaino Albies (Atlanta Braves) Ozzie Albies apesar ku ainda Braves no a anunsiá ofisialmente ki dia ta kuminsá ku weganan di rehabilirashon. Ozzie lo kompaña su ekipo den próksimo weganan for di kas. Pues lo kuminsá biaha bek ku Braves i entrená ku e ekipo promé ku wega. Ozzie a sufri un fraktura na su pia robes dia 13 di yüni i ta for di akshon pa un periodo largu kaba. Speransa ta ku e lo por ta bek pa fin di ougùstùs òf prinsipio di sèptèmber. E siman aki por a mira riba tereno di wega ta entrená ku su kompañero nan di ekipo

Andrelton Simmons (Chicago Cubs) a keda pone Andrelton Simmons na disposishon di otro ekiponan. Simmons a indiká kaba ku e lo no hunga mas e temporada aki i konsentrá pa rekuperá di tur su leshonnan

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day