Krioyonan den MLB

Kenley Jansen (Los Angeles Dodgers) djasabra a salba su di 6 wega di temporada. El a enfrentá 3 bateadó i retirá tur tras di otro i poncha 2 di nan. Kenley a poncha Trout pa último out di wega. Ku su 6 weganan salba e ta empatá komo lider den e kategoria aki den Liga Nashonal, Ayera no a mira akshon

Xander Bogaerts (Boston Red Sox) djasabra a bai di 4-1 ku su di 4 honron di temporada i ayera a bai di 4-0 ku un bunita hungada defensivo

Didi Gregorius (Philadelphia Phillies) djasabra a bai di 4-3 ku 1 kareda anotá. El a konektá su di 2 doblete di temporada. Didi ku bunita hungada djasabra tambe pa kompletá un double play. Ayera a bai di 4-1 ku 1 kareda empuha

Jurickson Profar (San Diego Padres) djasabra a bai di 5-2 i ayera a drenta wega komo remplasante defensivo den leftfield i no a risibí turno na bate. Esaki sigur despues di tabatin un atrapada sensashonal djabièrnè anochi den left

Jonathan Schoop (Detroit Tigers) djasabra a bai di 3-1 ku su di 2 doblete di temporada. Ayera a bai di 4-0 ku 1 base por bola risibí

Chadwick Tromp (San Francisco Giants) djasabra a bai di 3-0 i ayera a drenta wega den un kambio defensivo pero no a risibí turno na bate

Andrelton Simmons (Los Angeles Angels) no a keda aktivá ainda pa e ekipo di Angels. A pensa ku Simmons lo ta kla pa hunga den fin di siman pero ketu bai e ènkel ta molesti’é un poko. Dia 29 di yüli a keda pone riba lista di hungadónan leshoná di 10 dia despues di trapa malu na primera base den un hungada. E ta tumando praktiká di bateo i ta koriendo riba e ènkel pero e ekipo a opta pa ta mas kouteloso

Ozhaino Albies (Atlanta Braves) a keda pone riba lista di hungadónan leshoná di 10 dia riba 6 di ougùstùs i no tin un indikashon kuantu dia e mester pa sosegá e pòls ku a bin ta molesti’é hopi. Ainda e ekipo no tin idea ki dia Ozzie ta kla pa kuminsá hunga bek

 Na Hapon

Coco Balentien (FukuokaSoftbank Hawks) ayera a bai di 3-0 ku 1 base por bola risibí. Djasabra a bai di 4-3 ku 1 kareda anotá i otro empuha. El a konektá su di 9 honron di temporada

 Play of the Day