Kenley Jansen (Atlanta Braves) a salba su di 30 wega di temporada. Apesar di pasa den un spantu na momentu ku e mester a enfrentá 5 bateadó, el a permití 1 hit kual tabata un honron di dos kareda i dunando un base por bola. Al final Kenley a logra sali for di e ining ponchando un bateadó tambe pa wega bin kaba ku un diferensia mínimo di un kareda. Ku e wega salba aki Kenley ta yega 380 wega salba den su karera, e di nuebe mas tantu den historia dui Liga Grandi

Xander Bogaerts (Boston Red Sox) a bai di 4-2 ayera ku 5 kareda empuha i un base por bola risibí. El a konektá su di 12 honron di temporada i su di 34 doblete. Su di 12 honron tabata un ‘grandsalm’

Jurickson Profar (San Diego Padres) a drenta bati komo emergente den di 8 ining i a risibí un base por bola

Jonathan Schoop (Detroit Tigers) a sufri un leshon na su ènkel i a keda pone riba lista di hungadónan leshoná

Chadwick Tromp (Atlanta Braves) a sufri un leshon di spir i a keda pone riba lista di hungadónan leshoná pa 10 dia

Ozhaino Albies (Atlanta Braves) Ozzie Albies a kuminsá kompaña su ekipo den weganan for di kas. Ozzie a sufri un fraktura na su pia robes dia 13 di yüni i ta for di akshon pa un periodo largu kaba. Speransa ta ku e lo por ta bek pa fin di ougùstùs òf prinsipio di sèptèmber. E siman aki por a mira riba tereno di wega ta entrená ku su kompañero nan di ekipo

Andrelton Simmons (Chicago Cubs) a keda pone na disposishon di otro ekiponan. Simmons a indiká kaba ku e lo no hunga mas e temporada aki i konsentrá pa rekuperá di tur su leshonnan

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day