Kenley Jansen (Atlanta Braves) su wega salbá nr. 19 di temporada 2022, Kenley Jansen ayera a posishoná su mes den e Top 10 relevistanan di tur tempu den Major League Baseball pa loke ta trata kantidat di ‘saves’. E relevista di Atlanta Braves den triunfo ayera nochi di 7-6 di Atlanta Braves riba San Francisco Giants, a dal un stap grandi riba e lista ku ta enkabesá pa e panameño Mariano Rivera.
Jansen ta den su di diestres temporada den MLB, di kua, manera ta konosí, el a pasa tur e añanan den unifòrm di Los Angeles Dodgers, ku eksepshon di 2022 aktual.
Ayera nochi Jansen a subi montíkulo i despues di a dominá e promé dos bateadónan, el a tuma un homerun solitario pa despues dominá e di kuater hòmber ku fly. E tabatin 19 lansamentu, di kua diesun strike i awor tin un ERA di 3.23
E wega salbá aki ta hiba Jansen na un kantidat di 368 i e ta kompartí e di dies puesto ku Jonathan Papelbon. E yu di Kòrsou falta trintidos salbá mas pa drenta e grupo di 4 relevista ku tin 400 i piku ‘saves’ tras di nan nòmber. Te mas ariba tin dos ‘closers’ ku ta praktikamente inalkansabel, esta Mariano Rivera (652) i Trevor Hoffman (601)

Didi Gregorius (Philadelphia Phillies) a bai di 4-1 ayera ku un kareda anotá

Jurickson Profar (San Diego Padres) a bai di 4-0 ayera

Andrelton Simmons (Chicago Cubs) a drenta wega komo remplasante defensivo den parti final di wega pero no a risibí turno na bate

Jonathan Schoop (Detroit Tigers) no tabatin wega ayera

Xander Bogaerts (Boston Red Sox) no tabatin wega ayera

Ozhaino Albies (Atlanta Braves) Ozzie Albies a sufri un fraktura na su pia robes i lo keda pa 2 luna for di akshon

Play of the Day