Kenley Jansen (Atlanta Braves) ku un salida perfekto pa asina salba su di 31 wega di temporada. El a enfrentá e mínimo di bateadó i saka kada un out pa sigurá e viktoria di su ekipo. E tabatin un spit promedio di 94.1 mia pa ora riba su lansamentu nan ayera

Xander Bogaerts (Boston Red Sox) a bai di 4-2 ayera ku 3 kareda anotá i un base por bola risibi.

Jurickson Profar (San Diego Padres) no tabatin wega ayera

Jonathan Schoop (Detroit Tigers) a sufri un leshon na su ènkel i a keda pone riba lista di hungadónan leshoná

Chadwick Tromp (Atlanta Braves) a sufri un leshon di spir i a keda pone riba lista di hungadónan leshoná pa 10 dia

Ozhaino Albies (Atlanta Braves) Ozzie Albies a kuminsá kompaña su ekipo den weganan for di kas. Ozzie a sufri un fraktura na su pia robes dia 13 di yüni i ta for di akshon pa un periodo largu kaba. Speransa ta ku e lo por ta bek pa na prinsipio di sèptèmber. E siman aki por a mira riba tereno di wega ta entrená ku su kompañero nan di ekipo

Andrelton Simmons (Chicago Cubs) a keda pone na disposishon di otro ekiponan. Simmons a indiká kaba ku e lo no hunga mas e temporada aki i konsentrá pa rekuperá di tur su leshonnan

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day