Kenley Jansen (Atlanta Braves) ta bolbe drenta wega den un situashon di wega empatá pa duna su ekipo un oportunidat pa bai extra ining. Kenley ta hasi su trabou pero Braves ta pèrdè tòg despues. El a tira un ining i enfrentá e mínimo di tres bateadó di kual el a poncha unu

Jurickson Profar (San Diego Padres) a bai di 4-1 ayera i den fildeo a kometé su di 4 eror di temporada riba un mal tiru

Xander Bogaerts (Boston Red Sox) a bai di 3-0 ku un base por bola risibí

Jonathan Schoop (Detroit Tigers) no a mira akshon ayera

Ozhaino Albies (Atlanta Braves) Ozhaino Albies (Atlanta Braves) a leshoná su dede i lo ta for di akshon por lo pronto

Hensley Meulens (New York Yankees) a keda nombra ofisialmente awe pa bolbe tuma rienda di e selekshon ulandes komo manager. Su tarea prinsipal lo bira pa guia e selekshon di Reino den próksimo World Baseball Classic ku lo tuma lugá na komienso di otro aña. Ulanda ta den grupo ku Chinese Tapei, Cuba, Italia i un otro pais ku mester klasifiká ainda. Den e último World Baseball Classic na 2017, Henlsey Meulens tabata manager tambe i e ekipo di Reino a yega te semi final na Los Angeles i a finalisá e torneo ei na di 4 lugá

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day