Kenley Jansen (Los Angeles Dodgers) no tabatin un bon wega ayera tirando dos tèrsio di ining i permití tres kareda riba dos hit. El a duna un base por bola i poncha un bateadó. Kenley a resultá a picher pèrdèdó i asina pone su marka na 0-2

Jurickson Profar (San Diego Padres) a bai di 6-1 ku dos kareda empuha i otro anotá

Andrelton Simmons (Minnesota Twins) a bai di 3-1 ku un base por bola risibí. El a konektá su di 5 doblete di temporada
Jonathan Schoop (Detroit Tigers) a bai di 3-0 ku un base por bola risibí

Xander Bogaerts (Boston Red Sox) a bai di 3-0 ayera

Ozhaino Albies (Atlanta Braves) wega a keda posponé pa motibu di áwaseru

Didi Gregorius (Philadelphia Phillies) a keda pone riba lista di hungadónan leshoná ku un inflamashon na su èlebog. Ta e di dos biaha ku Didi ta sinti efekto di e leshon aki den 2021

Play of the Day