Kenley Jansen (Atlanta Braves) e picher yu di Kòrsou tabata klave ayera pa sigurá e di sinku título pa e ekipo di Atlanta Braves komo kampion di Divishon Ost di Liga Nashonal. Kenley a tira un ining perfekto atrobe enfrentando solamente tres bateadó ku un wega pèrta 2-1 i a logra poncha dos di nan. Ku e wega salba aki Kenley a yega 41 pa loke ta temporada 2022. Kenley ta drenta play-off pa promé biaha ku Braves despues di vários biaha ku e ekipo di Los Angeles Dodgers ku kual ekipo a bira un biaha kampion. Awor lo buska e máksimo título aki ku Braves ku ta bai defendé nan título di kampion mundial 2021

Xander Bogaerts (Boston Red Sox) a bai di 3-1 ayera ku kuater kareda empuha i un kareda anotá. El a konekta su di 15 honron di temporada kual tabata un ‘grandslam’

Jurickson Profar (San Diego Padres) a bai di 4-2 ayera ku un kareda anotá i un base por bola risibí. El a konektá su di 36 doblete di temporada

Jonathan Schoop (Detroit Tigers) a bai di 4-1 ayera ku un kareda anotá

Hensley Meulens (New York Yankees) a bira kampion di Divishon Ost di Liga Amerikana i awor ta bai prepará pa post-temporada

Ozhaino Albies (Atlanta Braves) a leshoná su dede i lo ta for di akshon por lo pronto

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day