ATLANTA.- Ozhaino Albies a sera temporada regular den gran forma den fin di siman. El a bai di 13-6 ku 2 kareda empuhá. El a finalisá temporada ku un promedio di 280 ku 33 honron i 109 kareda empuhá. E yu di Kòrsou a finalisá temporada ku mas honron i kareda empuhá ku tur otro Segunda base den Liga Grandi. Banda di esaki el a uni su mes na Roger Hornsby komo e úniko dos segunda base den historia, pa tabatin múltiple temporada di 30 honron òf mas, 30 doblete òf mas i 5 tripel òf mas.

Ceddanne Rafaela (Boston Red Sox)

Ceddanne di 7-0 den fin di siman. Rafaela a finalisá temporada 2023 ku un promedio di 241 ku 2 honron i 5 kareda empuhá. Ceddanne a debutá e aña aki i a hunga den 28 wega pa Red Sox.

Xander Bogaerts (San Diego Padres) 

Xander a bai di 10-4 den e último fin di siman di temporada regular. El a finalisá ku un promedio di 285 ku 19 honron i 58 kareda empuhá den su promé temporada ku Padres. El a finalisá temporada ku un promedio riba 400 den su último 15 weganan.

Jurickson Profar ( San Diego Padres)

Jurickson a sera temporada riba bon pia. El a bati 4 hit den 11 turno i a empuhá 5 kareda. El a finalisá e temporada ku un promedio di 242 ku 9 honron i 46 kareda empuhá, den un temporada ku el a kombiná pa hunga pa Rockies i Padres. Den 14 wega ku el a hunga ku Padres, Profar tabatin un promedio di 295.

Kenley Jansen ( Boston Red Sox)

Kenley no a picha den fin di siman. E ta finalisá temporada ku 29 wega salbá i un efektividat di 3. 63. El a yega awor  420 wega pa loke ta su karera. E falta únikamente 5 wega salbá mas, pa drenta e tòp 5 di tur tempu den wega salbá.