BOSTON.- Despues di algun dia ku su bate tabata ketu, ayera Ozhaino tabatin un bon dia atrobe. E YDK a bai di 4-2 ku honron i 3 kareda empuhá. El a subi asina su promedio awor na 257 huntu ku 24 honron i 72 kareda empuhá. Ozhaino te ainda ta enkabesá tur segunda base den Liga Grandi pa loke ta honron i kareda empuhá.

Kenley Jansen (Boston Red Sox)

Miéntras ku Kenley Jansen ku otro wega salbá. Esaki ora ku el a permití un hit i a dal un bateadó ku bala den un inning di blankeo, pa asina salba su di 22 wega di temporada. Ku e aktuashon di ayera Kenley ta baha su efektividat na 2.97.

Kenley Jansen

Xander Bogaerts (San Diego Padres)

Xander ayera a bai di 2-1 ku un anotá. Su promedio awor ta 265.

Jurickson Profar (Colorado Rockies)

Jurickson ayera a haña un dia di sosiegu i no a mira akshon pa Rockies.