Ozhaino Albies (Atlanta Braves) a bai di 4-2 ku un kareda empuha. El a konektá su di 39 doblete di temporada. Ayera Ozzie a uni su mes den otro klup eksklusivo di e organisashon di Atlanta Braves na momentu ku el a roba su di 20 base di temporada. E ta bira e di shete pelotero den historia di Braves pa tin por lo ménos 30 honron, 20 base roba i 100 kareda empuha den un temporada. E ta uni su mes ku Hank Aaron (1961, '63 i '66), Dale Murphy (1982-83), Ron Gant (1991 i '93), Chipper Jones (1999), Andruw Jones (2000) i Ronald Acuña Jr. (2019). Dos yu di Kòrsou den un klup di 7

Kenley Jansen (Los Angeles Dodgers) a picha un ining i un tèrsio enfrentando 5 bateadó i poncha unu pa logra su di 38 wega salba di temporada

Didi Gregorius (Philadelphia Phillies) a bai di 3-0 ayera ku un kareda empuha riba un fly di sakrifisio

Jurickson Profar (San Diego Padres) a bai di 1-0 ayera pero ku un bunita hungada defensivo na primera

Xander Bogaerts (Boston Red Sox) a bai di 2-1 ayera ku un kareda anotá i 3 base por bola risibí

Jonathan Schoop (Detroit Tigers) a bai di 4-1 ayera

Andrelton Simmons (Minnesota Twins) no a mira akshon ayera

Play of the Day