Ozhaino Albies (Atlanta Braves) a bai di 5-1 konektando su di 5 honron di temporada

Kenley Jansen (Atlanta Braves) no a mira akshon ayera pero a risibí un bunita homenahe promé ku wega di parto di su eks ekipo Los Angeles Dodgers. Esaki tabata e promé wega ku Jansen ta bek na Los Angeles despues di a firma ku Atlanta Braves den off season

Didi Gregorius (Philadelphia Phillies) a drenta bati komo emergente den di 8 ining i a konektá un doblete empuhá un kareda. Tabata su di 3 doblete di temporada

Xander Bogaerts (Boston Red Sox) a bai di 5-3 ku un kareda empuha. El a konekta su di tres doblete di temporada

Jurickson Profar (San Diego Padres) a bai di 2-0 ku un kareda anotá i dos base por bola risibí

Jonathan Schoop (Detroit Tigers) no tabatin wega ayera

Andrelton Simmons (Minnesota Twins) tin un leshoná na su skouder i ta riba lista di hungadónan leshoná di 10 dia