Ozhaino Albies (Atlanta Braves) a bai di 5-3 ku2 kareda anotá i 1 kareda empuha riba su di 4 honron di temporada. El a konektá tambe su di 8 doblete. Esaki tabata Ozzie su promé wega di tres hit den e temporada hóben aki

Didi Gregorius (Philadelphia Phillies) a bai di 2-1 ku 1 kareda empuha i otro anotá. El a konektá su di dos doblete di temporada i tabatin un fly di sakrifisio. Didi a risibí un deadball nèt despues ku su kompañero di ekipo Bryce Harper a risibí unu den kara ku a lanta basta mal kontentu serka nan manager Joe Girardi

Xander Bogaerts (Boston Red Sox) a bai di 4-1 ku e úniko kareda di wega anotá. El a konektá su di 9 doblete di temporada

Jurickson Profar (San Diego Padres) a bai di 4-2 ayera ku dos kareda anotá i a risibí un base por bola. El a roba su di 5 base di temporada

Andrelton Simmons (Minnesota Twins) a bai di 4-0 ayera

Jonathan Schoop (Detroit Tigers) wega a keda posponé pa motibu di áwaseru

Kenley Jansen (Los Angeles Dodgers) no a mira akshon ayera

 Play of the Day