Ozhaino Albies (Atlanta Braves) E fraktura ku Ozzie Albies a sufri na su pia robes djaluna anochi lo tin komo konsekuensia ku pa 2 luna lo e ta for di akshon. Ayera e ekipo a anunsiá ku a pone e yu di Kòrsou riba lista di leshonadonan i ounke no por bisa for di awor ki dia e ta kla pa regresá den aliniashon, echo ta ku a poné riba lista di leshonadonan pa periodo di 60 dia.
Albies a fraktura e pia den un simpel swing. El a konektá un rolling den infield pero en bes di kore bai primera, ya for di e promé stap el a kai pechu abou. El a sinta, pa despues lanta para i kana bai dug-out. For di e momento ei por a mira ku e situashon ta serio.
Na momento dje insidente, Albies tabata batiendo pa .234 ku ocho homerun i 34 kareda anotá. Sifranan ku ta bou di loke ta spera di dje. Pero por bisa ku ta djis un start slou, si tene kuenta ku den 2021 el a konektá 30 homerun, roba 20 base i skor riba shen kareda

Xander Bogaerts (Boston Red Sox) a bai di 2-2 ayera ku un kareda empuha i un base por bola risibí

Didi Gregorius (Philadelphia Phillies) a bai di 5-1 ayera ku un kareda anotá. El a konektá su di 7 doblete di temporada

Jurickson Profar (San Diego Padres) a drenta bati komo emergente den di 6 ining i a bai di 2-0

Jonathan Schoop (Detroit Tigers) a bai di 4-1 ayera

Andrelton Simmons (Chicago Cubs) no a mira akshon ayera

Kenley Jansen (Atlanta Braves) no a mira akshon ayera

Play of the Day