Ozhaino Albies (Atlanta Braves) a bai di 4-0 ayera ku un kareda anotá i un base por bola risibí. E kareda tabata esun ku a duna su ekipo e viktoria. El a kometé dos eror i awor tin 7 pa loke ta bai temporada aki

Didi Gregorius (Philadelphia Phillies) a bai di 3-0 ku un kareda empuha i un base por bola risibí. El a kometé su di 15 eror di temporada ku un mal tiru

Andrelton Simmons (Minnesota Twins) a bai di 2-0 ayera

Kenley Jansen (Los Angeles Dodgers) a drenta wega ku su ekipo ya pèrdí. Kenley a tira un ining i retirá tur e tres bateadónan ku el a enfrentá i poncha un di nan

Jonathan Schoop (Detroit Tigers) no tabatin wega ayera

Jurickson Profar (San Diego Padres) no tabatin wega ayera

Xander Bogaerts (Boston Red Sox) tur kos ta indiká ku Bogaerts ta kla uni su mes ku e ekipo pa e próksimo seri na Chicago. E no a sinti kasi ningun efekto for di dia ku el a tèst positivo pa Covid-19. Ta di warda wak si e ta risibí lus bèrdè pa hunga.

Play of the Day