Ozhaino Albies (Atlanta Braves) a bai di 2-0 ayera ku un kareda anotá i un base por bola risibí pero lamentablemente mester a bandoná wega ku un fraktura na su pia. Tabata den di 5 ining ku Albies a swing riba un bala un poko straño i ei el a sinti su pia. E no por a ni kore bai primera base i a kai bai dugout poko poko. Braves a anunsiá ku e segunda base estelar di e ekipo lo ta for di akshon pa un periodo basta largu pero ainda no por duna mas informashon

Didi Gregorius (Philadelphia Phillies) a bai di 4-1 ku un kareda empuha. E hit tabata importante pa e ekipo ya ku a empuha e kareda di empate pa despues Phillies bin gana e wega. Didi a risibí un ponche

Jurickson Profar (San Diego Padres) a bai di 4-1 ayera ku dos kareda empuha i un base por bola risibí. El a konektá su di 14 doblete di temporada

Jonathan Schoop (Detroit Tigers) a drenta bati komo emergente den di 8 ining i a bai di 1-0

Andrelton Simmons (Chicago Cubs) no a mira akshon ayera

Kenley Jansen (Atlanta Braves) no a mira akshon ayera

Xander Bogaerts (Boston Red Sox) no tabatin wega ayera

Play of the Day