Jurickson Profar (San Diego Padres) a bai 4-1 ayera i un biaha mas komo e promé bateadó den aliniashon di su ekipo. El a anotá un kareda i risibí un base por bola. Ku e seri aki Miho di 7 empatá 1-1 ta move awor pa tres wega na Philadelphia. Próksimo wega ta djabièrnè pa 7:37 pm

Hensley Meulens (New York Yankees) a pèrdè e promé wega di e seri final di Liga Amerikana ku skor di 4-2 kontra Houston Astros ku tin un bentaha di 1-0 awor den e seri aki tambe mihó di 7

Kenley Jansen (Atlanta Braves) temporada a finalisá

Ozhaino Albies (Atlanta Braves) temporada a finalisá

Xander Bogaerts (Boston Red Sox) temporada a finalisá

Jonathan Schoop (Detroit Tigers) temporada a finalisá

Chadwick Tromp (Atlanta Braves) temporada a finalisá

Didi Gregorius (Philadelphia Phillies) temporada a finalisá

Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:

G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173