Jurickson Profar (San Diego Padres) a bai di 4-0 ayera pero tòg tabata un dia di selebrashon ku su ekipo. Padres a sigurá nan puesto den post-temporada 2022. Ku esaki Profar ta uni su mes huntu ku su paisano nan, Kenley Janseni Ozziel Albies ku Braves i Hensley Meulens ku Yankees den e gran fiesta di beisbòl Liga Grandi

Kenley Jansen (Atlanta Braves) a yega e sifra mágiko di 40 wega salba den un temporada. El a tira un ining perfekto enfrentando e mínimo kantidat di bateadó di tres

Jonathan Schoop (Detroit Tigers) a bai di 4-0 ayera

Xander Bogaerts (Boston Red Sox) no a mira akshon ayera

Hensley Meulens (New York Yankees) a bira kampion di Divishon Ost di Liga Amerikana i awor ta bai prepará pa post-temporada

Ozhaino Albies (Atlanta Braves) a leshoná su dede i lo ta for di akshon por lo pronto

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day