Jurickson Profar (San Diego Padres) a bai di 3-1 ayera ku dos kareda empuha i un kareda anotá riba su di 14 honron di temporada. El a risibí un base por bola tambe

Kenley Jansen (Atlanta Braves) no a mira akshon ayera

Xander Bogaerts (Boston Red Sox) no a mira akshon ayera

Hensley Meulens (New York Yankees) a keda nombra ofisialmente awe pa bolbe tuma rienda di e selekshon ulandes komo manager. Su tarea prinsipal lo bira pa guia e selekshon di Reino den próksimo World Baseball Classic ku lo tuma lugá na komienso di otro aña. Ulanda ta den grupo ku Chinese Tapei, Cuba, Italia i un otro pais ku mester klasifiká ainda. Den e último World Baseball Classic na 2017, Henlsey Meulens tabata manager tambe i e ekipo di Reino a yega te semi final na Los Angeles i a finalisá e torneo ei na di 4 lugá

Jonathan Schoop (Detroit Tigers) a kuminsá weganan di rehabilitashon den Liga Menor pues pronto lo por ta bek ku su ekipo

Ozhaino Albies (Atlanta Braves) a kuminsá weganan di rehabilitashon den Liga Menor pues pronto lo por ta bek ku su ekipo

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Andrelton Simmons (Chicago Cubs) a keda pone na disposishon di otro ekiponan. Simmons a indiká kaba ku e lo no hunga mas e temporada aki i konsentrá pa rekuperá di tur su leshonnan

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Play of the Day