Krioyonan den MLB

Jurickson Profar (San Diego Padres) djasabra a drenta bati komo emergente den di 9n ining i a konektá hit. Ayera a bai di 5-2 ku 1 kareda empuha i otro anotá riba su di 5 honron di temporada

Jonathan Schoop (Detroit Tigers) djasabra a bai di 1-0 ku 1 kareda anotá. El a risibí 2 base por bola. Ayera a bai di 4-2 ku 1 kareda anotá i otro empuha riba su di 8 honron di temporada. Honron klave pa duna su ekipo e bentaha i despues e viktoria

Xander Bogaerts (Boston Red Sox) djasabra a bai di 4-3 ku 3 kareda empuha i 1 anotá riba su di 7 honron di temporada i su di 7 doblete tambe di 2020. Ayera a bai di 4-2 ku 2 kareda empuha i 1 anotá riba su di 8 honron di temporada. El a risibí 1 base por bola tambe

Kenley Jansen (Los Angeles Dodgers) djasabra a salba su di 9 wega di temporada enfrentando 4 bateadó duna 1 base por bola i poncha 2 bateadó. Ayera no a mira akshon

Didi Gregorius (Philadelphia Phillies) djasabra a bai di 4-0 i ayera a bai di 5-2 ku 3 kareda empuha i 2 kareda anotá. Didi a konektá su di 5 honron di temporada i su di 2 tripel pa 2020

Andrelton Simmons (Los Angeles Angels) djasabra a bai di 3-2 ku 3 kareda anotá i 2 base por bola risibí. Ayera a bai di 4-1 ku 1 kareda empuha

Chadwick Tromp (San Francisco Giants) djasabra no a mira akshon i ayera a bai di 2-0. El a saka un koredor out den intento di robo

Ozhaino Albies (Atlanta Braves) Nada ainda pa Ozzie. Ketu bai no ta 100% i mester di mas tempu pa rekuperá di su leshon. Awor si ta tumando práktika di bateo ku sigur ta un bon señal. El a keda pone riba lista di hungadónan leshoná di 10 dia riba 6 di ougùstùs i no tin un indikashon kuantu dia e mester pa sosegá e pòls ku a bin ta molesti’é hopi.

 Na Hapon

Coco Balentien (FukuokaSoftbank Hawks) henter siman no a mira akshon. No ta konosí si ta sufri di un leshon

 Play of the Day