Krioyonan den MLB

Jonathan Schoop (Detroit Tigers) a bai di 4-2 ku 1 kareda empuha i otro anotá riba su di 4 honron di temporada

Kenley Jansen (Los Angeles Dodgers) a tira 1 ining den un situashon di no salba wega pero a garantisá e viktoria di su ekipo retirando tur tres bateadó ku el a enfrentá i ponchando dos di nan. E último out tabata momentu ku Jansen a dominá su kompatriota Jurickson Profar ku un roletaso lento pa segunda. Despues nan dos a topa na primera i por mira un interkambio amikal entre e dos hungadónan yu di Kòrsou

Didi Gregorius (Philadelphia Phillies) a bai di 2-1 ku 1 kareda empuha i otro anotá. El a konektá un fly di sakrifisio i a risibí un base por bola

Jurickson Profar (San Diego Padres) a bai di 3-1 ayera ku 1 base por bola risibí. El a kometé su promé eror den tiru

Xander Bogaerts (Boston Red Sox) a bai di 2-1 ayera

Chadwick Tromp (San Francisco Giants) no a mira akshon ayera

Ozhaino Albies (Atlanta Braves) a keda pone riba lista di hungadónan leshoná di 10 dia ayera i no tin un indikashon kuantu dia e mester pa sosegá e pòls ku a bin ta molesti’é hopi.

Andrelton Simmons (Los Angeles Angels) dia 29 di yüli a keda pone riba lista di hungadónan leshoná di 10 dia despues di trapa malu na primera base den un hungada. Awor si Simmons ta kasi kla pa regresá akshon. Ya e ta tumando praktiká di bateo i ta koriendo riba e ènkel. Chèns ta grandi ku Simmons lo keda aktivá promé ku e seri di fin di siman próksimo kontra di Los Angeles Dodgers

 Na Hapon

Coco Balentien (FukuokaSoftbank Hawks) a bai di 3-0 ku 1 base por bola risibi

 Play of the Day