Jonathan Schoop (Detroit Tigers) a bai di 5-3 ku tres kareda empuha i dos anotá. El a konektá dos honron den wega, su di 6 i 7 di temporada. Ademas el a konektá su di 5 doblete tambe. Ku esaki Schoop ta ekstendé su racha di wega ku multi hit na kuater

Ozhaino Albies (Atlanta Braves) a bai di 5-2 ayera ku un kareda empuha i otro anotá. El a konektá su di 14 doblete di temporada

Jurickson Profar (San Diego Padres) a bai di 3-0 ayera. E tabtin un asistensia for di outfield sakando un koredor out na tersera ku un bunita tiru

Andrelton Simmons (Minnesota Twins) a bai di 4-2 ayera. Su di dos wega sigui ku dos hit den wega

Kenley Jansen (Los Angeles Dodgers) a drenta wega ya den un kousa pèrdí i a tira dos tèrsio di ining i retirá ámbos bateadó ku el a enfrentá. E la tira shete lansamentu di kual sinku pa strike

Xander Bogaerts (Boston Red Sox) a bai di 4-0 ayera

Didi Gregorius (Philadelphia Phillies) a keda pone riba lista di hungadónan leshoná ku un inflamashon na su èlebog. Ta e di dos biaha ku Didi ta sinti efekto di e leshon aki den 2021

 Play of the Day