Jonathan Schoop (Detroit Tigers) a bai di 4-4 ku sinku kareda empuha i dos anotá. Pa di dos biaha e siman aki Schoop ta konektá dos honron den un wega, esaki nan tabata su di ocho i nuebe di temporada. Ademas el a konektá su di seis doblete di temporada i a risibí un base por bola. No tin duda ku Schoop meresé e premio di hungadó di siman

Kenley Jansen (Los Angeles Dodgers) a tira un ining den un situashon di no por salba wega. El a enfrentá sinku bateadó i a duna dos base por bola i poncha unu. Kenley ta domina Ozzie ku un fly pa center pa e ultimo out di wega

Ozhaino Albies (Atlanta Braves) a bai di 4-2 ku dos kareda empuha i otro anotá. El a risibí un base por bola tambe. Ozzie a konektá su di 17 doblete i a sali out den un intento di robo

Jurickson Profar (San Diego Padres) a bai di 2-0 ku un kareda anotá

Xander Bogaerts (Boston Red Sox) a bai di 4-2 ku dos kareda anotá

Andrelton Simmons (Minnesota Twins) no a mira akshon ayera

Didi Gregorius (Philadelphia Phillies) a keda pone riba lista di hungadónan leshoná ku un inflamashon na su èlebog. Ta e di dos biaha ku Didi ta sinti efekto di e leshon aki den 2021

Play of the Day