Krioyonan den MLB

Jurickson Profar (San Diego Padres) a bai di 5-2 ku 2 kareda empuha i 2 kareda anotá. El a konektá su promé doblete di temporada e a pone su averahe awor na .200

Jonathan Schoop (Detroit Tigers) a bai di 4-3 ku 1 kareda anotá. Schoop ku su 3 hit nan ayera a pone su averahe na .256

Kenley Jansen (Los Angeles Dodgers) a salba su di 7 wega e temporada aki enfretando 5 bateadó, duna 1 base por bola i poncha un. El a permití 1 hit. Su era aktualmente ta na .087

Chadwick Tromp (San Francisco Giants) a bai di 3-0 ku 1 kareda empuha riba un fly di sakrifisio

Xander Bogaerts (Boston Red Sox) a bai di 4-1 ayera

Didi Gregorius (Philadelphia Phillies) no tabatin wega ayera

Andrelton Simmons (Los Angeles Angels) no a keda aktivá ainda pa e ekipo di Angels. A pensa ku Simmons lo ta kla pa hunga den fin di siman pero ketu bai e ènkel ta molesti’é un poko. Dia 29 di yüli a keda pone riba lista di hungadónan leshoná di 10 dia despues di trapa malu na primera base den un hungada. E ta tumando praktiká di bateo i ta koriendo riba e ènkel pero e ekipo a opta pa ta mas kouteloso

Ozhaino Albies (Atlanta Braves) ketu bai no ta 100% i mester di mas tempu pa rekupera di su leshon. Su pòls ta limit’é ainda ora ku e tuma práktika di bateo. El a keda pone riba lista di hungadónan leshoná di 10 dia riba 6 di ougùstùs i no tin un indikashon kuantu dia e mester pa sosegá e pòls ku a bin ta molesti’é hopi. Ainda e ekipo no tin idea ki dia Ozzie ta kla pa kuminsá hunga bek

 Na Hapon

Coco Balentien (FukuokaSoftbank Hawks) no tabatin wega ayera

 Play of the Day