Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:

G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173

Jurickson Profar (San Diego Padres) preparando pa un wega sumamente importante di Wild Card mayan kontra di New York Mets. E ekipo ku gana e wega di mayan ta sigui den post temporada 2022 i pèrdèdó ta bai kas. Wega ta kuminsá 8:07 pm na New York

Kenley Jansen (Atlanta Braves) ta sosegando pa nan promé wega djamars otro siman na kas kontra di e ekipo ku ta sobrebibí e buelta di Wild Card

Ozhaino Albies (Atlanta Braves) debí na e leshon na su dede lo no por hunga den promé buèlta di playoff. Speransa ta ku Braves lo avansá i spera ku Ozzie rekuperá pa por hunga un ròl den sobra serinan

Hensley Meulens (New York Yankees) lo hunga nan promé wega di playoff djamars próksimo na kas

Xander Bogaerts (Boston Red Sox) temporada a finalisá

Jonathan Schoop (Detroit Tigers) temporada a finalisá

Chadwick Tromp (Atlanta Braves) temporada a finalisá

Didi Gregorius (Philadelphia Phillies) temporada a finalisá