Ayera temporada di Liga Grandi a inisiá i meskos ku tur aña Krioyonan den MLB lo sigui e aktuashon diario di nos peloteronan yu di Kòrsou den e nivel mas haltu di beisbòl mundial. Aki ta haña un kompilashon di tur e hungadónan na un sitio

Andrelton Simmons (Minnesota Twins) a debutá ku su ekipo nobo ayera bayendo di 4-2 ku 1 kareda anotá i 1 base por bola risibí

Jurickson Profar (San Diego Padres) a bai di 2-0 ku un fly di sakrifisio pa empuha e kareda ku eventualmente ta duna su ekipo e viktoria. El a risibí 1 base por bola

Didi Gregorius (Philadelphia Phillies) a bai di 4-1 ayera ku 1 base por bola risibí. Tabatin un tremendo hungada defensivo riba un bataso di su kompatriota Ozzie Albies pa asina kita un hit for di dje

Ozhaino Albies (Atlanta Braves) a bai di 5-0 ayera i no tabatin muchu suerte. Didi kitando un hit for di dje i tambe Sali out na home riba un tremendo hunagda na plato. Ozzie tabatin un bon tira pa tersera pa saka e koredor out

Jonathan Schoop (Detroit Tigers) a bai di 3-1 ayera ku 1 base por bola

Kenley Jansen (Los Angeles Dodgers) no a mira aktuashon den derota di su ekipo

Xander Bogaerts (Boston Red Sox) wega a keda posponé pa motibu di áwaseru