SAN DIEGO.- Xander ayera a bai di 3-1 ku doblete i 2 kareda empuhá. Xander su promedio awor ta di 259 i 23 kareda empuhá. Xander despues di un periodo difísil ku leshon tin awor un racha di kuater wega siguí ta bati hit. Durante e racha aki e tin un promedio di 357 (5 hit den 14 turno) huntu 3 doblete i 2 kareda empuhá.

Jurickson Profar (Colorado Rockies)

Jurickson ayera a bai di 5-1 ku 1 kareda anotá i 1 empuhá. Su promedio awor a bira 247.

Kenley Jansen (Boston Red Sox)

Kenley no a mira akshon ayera pa Red Sox.

Ozhaino Albies (Atlanta Braves) i Jonathan Schoop (Detroit Tigers)

E wega entre Detroit Tigers i Atlanta Braves a keda posponé ayera pa motibu di mal tempu. E wega aki a keda reprogramá pa awe atardi i lo ta parti di un programa dòbel.