ORANJESTAD - Krísis Team ta informá tokante e Protocol Nashonal di entiero den temporada di Covid. E protokòl Nashonal ta basa riba puntonan di salida di World Health Organization y RIVM, teniendo kuenta ku e situashon i tradishonnan di Aruba, i ku presensia di vários variante di COVID aktualmente na Aruba. Esei ta pone ku e maneho na Aruba mester ta mas kouteloso ku por ehèmpel Curaçao òf Boneiru, pa protekshon di nos siudadanonan.

Despues ku a risibí informenan di inkonsistensia den ehekushon di e maneho entre agensianan funeraria na Aruba, Krísis Team a reuní siman pasa ku e agensianan funeraria di Aruba, Aurora Funeral Home, Ad Patres y Olive Tree, i a konfirmá e protokòl i reglanan aplikabel na tur entiero den temporada di COVID. Tambe e reglanan adishonal aplikabel den kaso ku un persona ku tabata tin COVID na momento ku el’a fayesé. Siguiente e reglanan aki a wòrdu ratifiká den Krísis Team i pues ta reglanan establesí ku tur funeraria mester tene nan mes na dje.

REGLANAN APLICABLE PA TUR ENTIERO

1. 
   

2. Mester usa tapaboka na tur momento

3. 
   

4. No por hiba e defuntu kas pa tuma despedida

5. 
   

6. No por duna man, brasa, òf sunchi

7. 
   

8. Máksimo 25 persona por ta den e mesun lugá na mes momento, i mester tene distansia di por lo ménos 1,5 meter

9. 
   

10. Kuminda òf bebida no ta permití

11. 
    

12. Si bo ta sinti malu, no atendé un entiero

13. 
    

14. Miembronan di famia ku ta den isolashon òf karentena, no por akudí na e entiero; pa mayornan, yunan y rumannan ku ta den isolashon òf karentena, por regla un otro momento pa despedí atrabes di e funeraria na outoridatnan kompetente

15. 
    

E reglanan aki ta vigente desde 18 sèptèmber 2020, i ta publiká desde e fecha ei riba website di DVG. E reglanan aki ta aplikabel den tur entiero durante temporada di COVID, tantu si e persona a fayesé ku Covid, komo si e persona no a fayesé ku Covid.

REGLA ADICIONAL PA TUR ENTIERO DEN CASO DI COVID

Den kaso ku e persona ku tabatin COVID na momento ku el’a fayesé, tin reglanan adishonal aplikabel. No ta hasi diferensia si e persona a fayesé di COVID òf di algu otro, por ehèmpel un aksidente di outo òf problema di salu, den kaso ku e persona ku tabatin COVID na momento ku el’a fayesé, mester apliká mas prekoushon. E regla adishonal ta

8. 
   

9. No por habri kaha durante entiero.

10. 
    

En bista ku na Aruba tin aktualmente vários variante di e COVID vírus presente, i en bista ku no konosé tur aspekto di e variantenan ainda, Krísis Team ta apliká èkstra koutela pa asina protehá siudadanonan di pais Aruba, i pa prevení kontagio mas tantu posibel.

Tur agencia funeraria a aprobá e prosedura aki, i BeleidsTeam di Krísis Team a establesé e maneho aki den kuadro di COVID. Krísis Team lo sigui evaluá e desaroyo i e maneho riba base regular i lo anunsiá na momento ku tin kambio.