WILLEMSTAD.- Komo un di e tim di krísis ku ta aktivo na Kòrsou sra. Maisy Scharbaai a bisa EXTRA awe ku miembronan di Krus Kòrá for di mainta tempran ta trahando. Nan ta presente, entre otro, na shelter i tambe den ofisina sentral temporalmente di e organisashon. ‘‘Banda di esei nos miembronan ta standby. Nos ta sigui e notisia tokante e tormenta tropikal. Si ta nesesario nos miembronan por aktua.’’
Krus Kòrá lo manda miembronan tur shelter na Kòrsou, pa motibu ku gobièrnu a disidí pa habri tur shelter. Scharbaai ta splika ku Krus Kòrá ta duna asistensia na unda tin nesesidat. 'Nos ta standby pa pueblo di Kòrsou.’