WILLEMSTAD – Konseho Supremo Elektoral (KSE) a kaba di finalisá nan seshon di informashon riba e promé parti di dia pa ku elekshon 2021. Aparte di algun problema chikí ku apertura di urna na tempu i falta di miembro di kuerpo polisial na promé instante, tur kos a kana bon. Te ku 12or di mèrdia un total di 30.284 hende a bai voto. Esaki ta 26% di tur esnan ku por vota e biaha aki. Kompará ku Elekshon di aña 2017, na e mesun orario aki 25.746 hende a vota biaha pasa ku tabata 21%. Pues a aña aki kompará ku 2017,  tin 5% mas hende ku ya a bai vota den oranan di mainta. KSE ta kere ku alrededor di 80.000 hende lo bai vota awe ku ta mas o ménos 70% di tur esnan ku e drechi aki.