WILLEMSTAD.- Ayera durante oranan di mainta, diferente Carwash ku ta keda den área pariba a risibí bishita di Xteam huntu ku Polis. A tene e kontròl aki debí ku ya pa basta tempu a bin ta tuma nota ku tin diferente Carwash ta lanta pero ku no ta registrá.

Esei tabata motibu ku awor a inisiá ku e kontròlnan aki pa asina obligá tur esnan responsabel pa funshoná di un manera korekto i kumpliendo ku lei. Durante di e kontròl ayera a sera 4 Carwash.

Tur 4 tabata funshoná sin dokumento, pèrmit di medio ambiente i tampoko nan no tabata paga impuesto. Tambe a detené 3 trahadó maskulino indokumentá miéntras ku un a logra kore bai. E kontròlnan aki sigur lo kontinuá.