WILLEMSTAD.- Djabièrnè, 27 di yüni 2025 Asuntunan Públiko (Kranshi), departamento di reibeweis, Lokèt di Pèrmit i Lokèt di Komunidat (Sambil) lo ta será i lo no por risibí nan klientenan. Esaki ku eksepshon di e balinan di Servisio di Atmishon na Lokèt di Pèrmit. Esaki ku eksepshon di e balinan di Servisio di Atmishon na Lokèt di Pèrmit.

Ministerio di Maneho di Gobernashon, Planifikashon i Servisio Públiko ta informá ku relashoná ku treinen i trabounan interno e 4 departamentonan ariba menshoná lo no por duna e servisio kustumbrá e djabièrnè 27 di yüni aki. Pa mantené e nivel di servisio na komunidat i hasi mehorashon ta importante tene sekshonnan asina. E ministerio aki ta keda konta ku e komprenshon di pueblo ku semper el a risibí.

Tuma nota ku kolaboradónan di e departamento di Servisio di Atmishon (TO), lo tei e djabièrnè aki pa duna servisio normal di 8 or pa 12 or di mèrdia.

Pa informashonnan tokante gobièrnu di Kòrsou konsultá ku Lokèt Digital riba wèpsait: www.gobiernu.cw