WILLEMSTAD.- Kueba Tawela tambe konosí den pasado komo Buraku Tawela. E kueba aki ta keda den seru di Koral Specht, na e parti wèst di e seru.

E kueba ta kubri un superfisie di 25 meter kuadrá i ta aksesibel via di un parti habrí pa tur hende.

Segun e tradishon registrá pa pader Brenneker, e kueba tabata habitá durante algun tempu pa un refugiado katibu.

El a tende e nòmber Tawela. Despues di algun aña su restunan a keda hañá dilanti di e entrada di e kueba i e kueba asina a keda ku su nòmber.

E kueba ta konosí pa e leyenda ku ta bisa  ku e tin un kueba ku ta kondusí te na awor aki Sunscape Hotel.

Tambe ratu ratu por tende zonidonan straño ta bin di e kueba. Stichting Uniek Curaçao tabatin e kueba aki den su tournan di Banda Riba. E kueba tabata frekuentá pa hóbennan i hendenan mas grandi pero awor e ta den peliger di disparsé debí na e ignoransia i negligensia den realisashon di investigashon antropológiko promé ku a keda hasí komo preparashon pa hasi e área apto pa konstrukshon.