WILLEMSTAD.- Kuerpo polisial Kòrsou en konekshon ku e tradishon di fin di aña manera shownan di pagara i entre otro e tradishon na Brion Plein, a bin ku algun konseho pa pueblo di Kòrsou tene kuenta kuné.
Manera ya ta kustumbrá e aña aki tambe lo bai tin e tradishonal selebrashonnan di fin di aña na entre otro riba Brionplein, unda lo bai tin aglomerashon di un públiko grandi i tambe na diferente otro sitio riba nos isla.
Pa e selebrashonnan aki bai mas seif i trankil ku ta posibel, Kuerpo Polisial Kòrsou tin e siguiente konsehonan pa nos komunidat:
Ta supliká tur hende ku ta asistí na e selebrashonnan aki pa respetá otro, nos leinan i outoridat(nan).
Tin mas toleransia ku otro.
No sirbi bebida den bòter, pero hasi uso di kùp di plèstik òf bleki.
Kòrda bini ku bo saku di sushi pa tira e kùpnan etc. aden ora kaba.
Bai ku prudensia i trankilidat den tráfiko. Hasi uzo di kareteranan públiko na un manera responsabel. No konsumí alkohòl si bo mester stür. Laga un otro hende stür pa bo si bo ta bebe alkohòl. Esaki ta pa bo mes protekshon, eventual esun di bo pasaheronan i otro partisipantenan den tráfiko.