WILLEMSTAD – Bosero polisial, Sr. Zwerver a enfatisá durante seshon di informashon awe mèrdia ku tur medida di Covid ta keda na vigor awe. Esaki ta enserá e orario di Toke de Keda ta 9or i ta nifiká ku polis lo sigui hasi nan kontrolnan. “Ta hasi un petishon pa kue rumbo pa kas na tempu pa evitá di risibí kualke sanshon.” Kontrolnan di Covid lo kontinuá na diferente sitio i tambe sedenan di partidonan. Zwerver a bisa tambe ku e korementu di karavana no ta keda permití i ku polis lo aktua pa kibra esaki nan. Ta pidi na mes momentu pa tene kuenta pa evitá aglomerashon. Sigur ku awor ta den un situashon kritiko di e pandemia aki. Kuerpo Polisial ta konta ku koperashon di komunidat riba e dia di awe.